TOP 10 FOTOGRAFIA TIMOR-LESTE IHA TINAN 2015

Fotografia hanesan situasaun puru hodi prova buat lolos bainhira istoria hafalsu ona - Mariani VK.

Ho haksolok Hau aprezenta tan projeitu fotografia TOP husi Timor-Leste. Tinan 2015 ida ne’e iha Top 10 fotografia husi Timor-Leste no ba datoluk ona projeitu fotografia ida ne’e hala’o. Projeitu ne’e lao ona iha tinan tolu tu-tuir malu, 2013, 2014 no 2015. Lalaok projeitu fotografia maka, durante tinan ida Hau lao haleu teritoriu balun iha Timor-Leste hodi hasai fotografia. Depois, komesa halo seleksaun ba  fotografia sira ne’e. Fotografia sira ne’ebe selekta ona, Hau so uza crop iha editing deit hodi haklaru liu tan deit fotografia ne’e karik presija. Maibe la uza editing iha kor, likidasaun ( cahaya ) no seluk tan ba fotografia sira ne’e. Tamba Hau atu hatudu situasaun orijinal ne’ebe iha, liu husi fotografia sira ne’e. Fotografia sira ne’e sempre publika ou upload iha Hau nian blog privadu no pajina Facebook hanesan projeitu iha data ikus husi tinan ida.

Tinan rua liu ba ( 2013 no 2014 ) fotografia ba projeitu ida ne’e mosu ho tema paizazem furak natureza Timor-Leste nian deit. Maibe tinan ida ne’e ( 2015 ) tema fotografia iha area, problema sosial, kultura, paizazem natureza, fe, fiar no  istilu moris ou life style oan Timor nian. Ida ne’e tamba Hau iha interese a’as tebes atu hatudu no esplika Timor-Leste husi tema sira ne’e liu husi oklu fotografia.

Inisiu projeitu fotografia ne’e mosu husi Hau nia istoria moris nian. Depois graduasaun lisensatura iha Indonezia tinan 2012 Hau hetan prezenti kamera professional ( DSLR, Nikon D3000 ) ida husi Hau nian Inan. Komesa husi ne’e la hanoin atu tuir kursu fotografia, Hau komesa desidi atu halo projeitu fotografia ho tema oin-oin ho objetivu atu dezenvolve a’an iha area fotografia no bele kria obra. Momentu ne’eba Hau fiar ho intensaun diak Hau bele fo rezultadu diak no importante maka Hau bele aprende no estuda bebeik. Agora dadaun, husi projeitu ne’e Hau hetan ona apresia husi kolega no maluk Oan Timor balun. Projeitu fotografia ne’e lori ona impaktu pozitivu barak mai Hau no halo ona Hau orgulhu ba Hau a’an rasik.

Ksolok Tinan Foun 2016!

Dili, 31 Dezembru 2015

Mariani VK.

 

"Fatuk Lulik", Wata Bou, Munisipiu Baucau

"Oan Timor Nian Dalan Importante: Be’e Mos no Fe",Golgota, Munisipiu Dili

"Abut", Fleixa, Maubisse

"Ilha Atauro Entre Azul"

"Furak Maka Hafahe Ita Rua", Ilha Jaco, Munisipiu Lautem

"Wainhira Kalohan Vizita Rai", Lagoa Ira-Lalar, Munisipiu Lautem

"Uma Lulik ho Nia Nain", Fatu-Berlihu, Munisipiu Manu-Fahi

"Sulin iha Matak Nia Let", Mota Comoro Ulun, Munisipiu Dili

"Hamutuk iha Abu-Abu Laran", Fleixa, Maubisse

"Ami Ne’ebe Dok Husi Sidade", Fleixa, Maubisse