Istoria Badak ho Titlu: LIA-FUAN LULIK

 ( Istoria badak ne’e mai husi esperiensia real no hakerek iha istilu fiksaun )

Reflesaun

Sokolate mos seidauk bele halo hau haksolok nune’e.

Maria horut nia sha, maibe nia matan hateke klean ba pintura fitun iha kalan nian nakukun ne’ebe tara iha restorante nian didin. Maria hakfodak husi Elis nia husu “Maria, konta lai interview bolsu estudu Japaun O tuir ona ne’e? Hau penasaran los, ohin iha edifisiu hau la tahan ona atu husu O, mas tauk sira rona”. Rona ne’e Nana ne’ebe tur mos ho Maria no Elis hatan “aiiiihhh sira hatene agora ne’e Maria mate kedan, ita nain tolu deit maka tengki hatene!”. Maria muda nian tur ho diak no komesa koalia ba nian kolega diak rua ne’e “buat hotu lao ho diak no hau hatan hotu perguntas sira husi panelista ho diak, hau sinti. Maibe, iha panelista ida maka doko maibe hametin hau, tamba nian lia-fuan hirak ne’ebe hasai mai hau halo hau sei fiar a’an hala’i makas ba oin”. Ho seriu Elis husu “panelista ne’e naran saida? Nia maka ida ne’ebe ne’e?” no ho ansi Nana husu “lia-fuan saida maka nia hatete sai ba O?”. Maria nian matan hateke ba nian kolega diak rua ne’e no hamnasa antes hatan perguntas sira ne’e, Maria hatan “nia dehan “I’am impressed with you”. Mana Marlina ne’ebe servisu iha embaixada Japaun asuntu bolsu estudu, maka dehan lia-fuan hirak ne’e mai hau saaa..hahahahaaa”. Rona ida ne’e Nana hakfodak to’o fakar sai sha ne’ebe iha ibun laran no Elis hatun tia sikra kafe ne’ebe hit ona husi nia liman atu ba nia ibun. Depois hamos ibun ho tissue Nana dehan “Mana Marlina ida O dehan siak ten ituan ne’e kah? Hahahha Jesus kala tur iha nian baboton”, Maria seidauk hatan ba Nana, Elis aumenta “hahhahaaa hare baa! Ema ida O dehan tauk atu hateke nian oin ne’e maka agora fo los masi-midar ba O ne’e”. Maria ho oin kontenti hatan “dalabarak iha telefone Mana Marlina nian lian rona hanesan siak ituan duni no bainhira hau hala’o teste iha lian ingles ba bolsu estudu ne’e nia oin siak los, halo hau tauk atu hare nia kleur no los duni hau nunka espera Mana Marlina bele ho nian lia-fuan hirak ne’e kria kedan moris foun ba hau depois sai husi sala interview bolsu estudu ne’e, hmmm.. lia-fuan lulik”. Maria kontinua koalia mas agora ho ispritu makas ituan, “Mana Marlina, hateten lia-fuan hirak ne’e ho nian fuan duni mai hau, hau hare no sinti nune’e duni. Hau laran dodok los, fuan no kakorok sinti metin no matan sinti manas tamba matan be’en atu sai, maibe hau susesu duni atu konsentrasaun nafatin ba interview, afinal iha ema ida nian matan hau ne’e super person ida!”. Elis ho hamnasa ki’ik midar dehan “Maromak nian lia-fuan hatutan liu husi Mana Marlina”, Nana mos hatan tutan  “amin..!”. Udan tun iha lokraik ne’e, lori matak malirin ba ema hotu no Maria ho nian kolega sira kontinua sira nia dada-lia ho ksolok.

***

Tempu ki’ik Maria fokus halo ksolok a’an ho hakerek poezia no diary, kuda ai-funan kor oin-oin iha nian uma. Aventura ki’ik ba mota, foho, natar no ai-laran ki’ik sira besik sira nian uma. Filme kartun Doraemon maka fo nia mehi atu han dosi dorayaki iha Japaun no filme sira husi Bollywood maka halo nia iha mehi atu kaer didin husi konstrusaun Taj Mahal ne’ebe furak no riku tebes. Maibe Maria ki’ik la-hetan forsa inpirasaun husi nian inan-aman tamba sira preoukupa liu ba sira nia kareira. Enviromentu universidade maka hanorin Maria importante husi forsa inspirasaun no espritu, Maria haksolok ho ida ne’e maibe haksolok ne la kleur deit. Durante tinan tolu ho balu servisu depois remata universidade, durante ne’e Maria nia karakter mate. Lian barak iha servisu fatin maka hakilar hanesan Maromak Gregu Zeus nian rai lakan ne’ebe rezada maka’as Maria nia neon espritu no inspirasaun ne’ebe iha ona halo menus, prior liu maka Maria fiar katak nia a’an hanesan sira hakilar ba’a ne’e.  Sira dehan, “Maria.. ne’e sala!”, “saida maka O halo ne’e la los!, halo fali maibe la bele sala tan!”, “O sarjana ida maibe halo ida ne’e mos la bele!” “Maria, dehan O estuda diplomasi maibe nusa maka O nian diplomasi la hatudu iha karta ne’e!” no sira fo dutrina ba Maria no kolega iha servisu fatin katak agora servisu no rai osan lai tamba agora buka servisu susar eskola depois deit. Sira sempre hamnasa hatun ba saida maka Maria halo ho ninian projeitu hakerek no fotografia iha blog.

***

Iha dader importante ida, Maria dada i’is naruk ho habrani nia liman hodi dere odamatan iha nian oin ne’e. Depois dere, lian husi odamatan sorin ne’e dehan “tama mai..”. Maria hakat tama ba sala luan ho tinta mutin nabilan, iha ne’eba iha meja, kadeira, sofa, armari, jelera ho folin ne’ebe a’as, tara mos pintura ai-funan no pintura uma lulik husi tais. Sinti AC nian hu’u ne’ebe borus ba nia ruin, Maria hase’e mane ida tur hela iha komputador oin “bomdia diretur, lisensa hau lori karta rejiknasaun husi hau. Favor atende lai”. Mosu espresaun hakfodak maibe finji kalma husi diretur, karik  diretur ne’e la fiar saida maka nia foin dadaun rona husi ema ne’ebe sempre nonok no simu saida maka julga ba nia. Diretur hatan “diak, nusa maka atu rejikna a’an ona ne’e Maria? Hetan servisu foun ruma kah?” ho seriu no lian firme Maria hatan “lae, tamba Mana Marlina nian lia-fuan lulik maka loke hau nian hanoin katak hau diak liu dala barak ida imi hanoin durante ne’e no julga falsu sira imi fo mai ona hau! imi ho imi nian mentalidade sira ne’e la serteja atu hetan hau! Aban hau komesa la tama ona servisu, Obrigada!”, Maria hamrik lao fila kotuk ba nian eis direktur ne’e no nia rona lian hakilar tuir “Marlina ne’e se? lulik nain perigu ida kah? hahahaha” fila oin no isi sorin Maria ho firme hatan “rona didiak!, Mana Marlina nian lia-fuan maka lulik!”. Odamatan taka a’an iha Maria nian kotuk, ba dahuluk depois tinan tolu ho balu Maria sinti ho lolos katak nia aseita saida maka nia desidi ona no haksolok ba ida ne’e.

Depois husi edifisiu ne’ebe Maria husik ona, nia ho motor produtu husi Japaun para iha area fatin para vehiklu iha area Cristo Rei, Dili. Hamnasa ksolok, Maria hakat luan iskada ba iskada atu ba iha foho tutun statu Cristo Rei. Husi tasi, anin hu’u fresku halo Maria nian fu’uk semo badak, loron matan sunu ho manas mamar ne’e duni maske kosar sai maibe Maria sei la desidratasaun ou dehidrasi. Ai-tahan matak sira hanesan tebe hasoru hela Maria tamba anin nian hu’u, iha tilun Maria tau hela headseat no rona knanuk furak husi Dee Lestari ho tittlu Malaikat Juga Tau, to’o iha parte liriku “Malaikat juga tau aku kan jadi juaranya” Maria kanta hakilar deit ho hanoin katak atu hatete sai ba sira ne’ebe hatun ona nia katak nia maka sei manan! To’o iha tutun, Maria hateke ba statu Cristo Rei la iha lian ruma, so komunika ho hamnasa ki’ik. Lapizera iha liman, kadernu suratahan mutin tau iha baki leten fila kotuk ba statu Cristo Rei no hamrik hateke ba tasi azul luan, Maria nian fuan hakerek liu husi nian liman tun ba lapizera kontinua ba suaratahan mutin ne’e:                                    

  

POEZIA

Lia-fuan Lulik 

Hakotu oin hakruk, laos atu foti hodi loko a’an.

Bisu-bisu no mos hakilar, hametin neon no mehi namalele sira ne’e.

La iha fatin ba kalohan metan atu ataka, la fo’o fatin ba rai-lakan atu tarutu hatauk.

Metin tuba rai, tebe hasuar rai, haroman to’o loro-matan mos subar moe.

Hakerek poezia remata, Maria hamnasa ksolok tebes hamrik to’o loro-matan tu’un nian kor laranja ou orange lakan siak hafalun tasi ninin do’ok iha nian oin. Lao tu’un tu-tuir iskada Maria rona knanuk husi knanuk nain Miley Cyrus ho titlu When I look at you, no bainhira to’o iha parte “when my world is falling apart, when there’s no light to break up the dark, that’s when I look at you” momentu ne’eba Maria hamosu lian iha nian fuan “Mana Marlina maka masi-midar husi lalehan mai hau, laos lulik nain maibe nian iha lia-fuan lulik hodi kria poezia mai hau moris. Obrigada barak! Hau nian moris loke ona pajina foun tamba lia-fuan lulik ne’e, komesa kedan ho hamnasa brani. Ai-kasi funan mos sei hamnasa ho hau tamba ida ne’e”.

 "Eskrava foun ka atan foun agora maka sira ne’ebe tauk atu sai husi servisu no lakon osan para atu hateten deit Ya Pak,"- Prezidente Republika Demokratika de Timor-Leste, Sua exselensia Taur Matan Ruak.

Loro-Matan tu'un nian kor hare husi Cristo Rei, Dili

Dili, 28 Marsu 2016

                                                                                                                                           Mariani VK.

Istoria Badak ho Titlu: AMIZADE TO’O HETAN AI-HORIS MAEK NIA KATAR

( Istoria badak ne'e inspirasaun husi eventu real no uza mos naran orizinal ba karakter sira iha istoria ne'e nian laran. Istoria ne'e iha hodi agradese ba suporta ne'ebe Hau nian belun Adriana fo ona Mai Hau durante ami nia amizade lao )

 

 

 

 

Ilustrasaun ba istoria badak.
Fotografia foti husi www.shutterstock.com
Hakere nain mos halo editing ba fotografia ne'e.

Laos labarik feto maibe, sira nain rua nian amizade sei nakonu ho mundu labarik nian. Sira nain rua sei halai duni malu depois goja malu, hirus malu oras balun nian laran tamba sinti ofende husi lia-fuan goja malu sira, kili malu iha momentu formal laran. Sira nain rua hasoru malu tamba, sira nain rua nian liman asina kontratu iha edifisiu hanesan. Feto nain rua ne’e maka Mariani no Adriana.

 

Mariani no Adriana nia amizade furak liu iha parte bainhira sira nian rua tau interesante ba ai-funan. Laos halimar tebe ai-funan ou mos laos kuda ai-funan. Sira interese iha hamosu obra fotografia ai-funan. Dala barak sira sinti urgulhu ba fotografia ai-funan ne’ebe sira iha ona, sira sempre iha espresaun interesante bainhira hare ai-funan iha ema seluk nian jardim no gava malu ba obra fotografia ai-funan. Diskusaun naruk ne’ebe sira iha maka konaba’a oinsa hasai fotografia ai-funan ne’ebe diak. Dala barak, Mariani maka sempre gava Adriana nian obra ho dehan “wiiihhh.. O nia foto ai-funan ne’e perfeitu los, hatudu ai-funan Dahlia nian furak”. Adriana ho hamnasa urgulhu hatan “ne’e hau hasai ho kamera HP deit, ne’e maka kamera DSLR hanesan Mana Mariani nian ne’e sa.. sei terbaik tan deit!”. Iha kalan ida, antes toba Mariani loke nian pajina Facebook. Mariani hakfodak los ho saida maka nia hare iha nia didin ( wall ) Facebook nian tamba iha ne’eba Adriana monta ona fotografia ai-funan ne’ebe nia hasai ho nia kamera HP no nia hakerek mais-menus hanesan ne’e “Mana Mariani maske la hasai foto ai-funan sira ne’e ho kamera hanesan Mana nian maibe reszultadu terbaik”. Mariani hamnasa namakili maibe nia sinti urgulhu ho nia amiga ne’e, tamba nia obra fotografia ne’e kapas duni. Mariani, lori pintura ho tinta mina ai-funan Dahlia kor mutin ba Adriana hanesan presenti husi Bali ho mensazem mai-menus hakerek nune’e “hau gosta los bainhira ita rua koalia konaba’a fotografia ai-funan “. Mariani iha esperansa bo’ot ba Adriana atu nia bele dezenvolve nia a’an iha fotografia ai-horis ai-funan tamba realidade duni nia amiga ne’e iha talenta ba ida ne’e. Bainhira sira nain rua hasai fotografia objetu ai-funan ida deit, Adriana nian rezultadu sempre diak liu Mariani nian.

 

Ikus mai, akontese duni momentu ne’ebe susar atu haluha ba’a. Tamba servisu Mariani no Adriana hetan oportunidade atu vizita suku Lacawa, Munisipiu Lautem, sira nia rua admiravel los ho Lacawa nia furak. Hateke ba foho leten matak tamba du’ut no ai. Lacawa nia furak la to iha ne’eba deit, natar iha foho lolon sira ne’e, matan hare hansesan iskada kolam ai-horis matak no animal hanesan manu-lin no barboleta ne’ebe semo ba halo natar ne’e hanesan tia kor oin-in maka semo ba-mai hela. Anin fresku hadukur matan duni maibe maibe matan ne’e sei la dukur tamba sempre hakfodak ho furak uniku sira ne’e. Mariani koalia iha laran “Nai agradese tebes, iha Hau nia moris Hau hare ona natar iha Tasi ibun bainhira hau vizita Laga, Baucau maibe ohin loron primeiru vez iha hau nian moris hare natar iha iha foho lolon ne’ebe iha nia kotuk hamrik foho-foho naruk a’as sira ne’ebe matak tebes. Furak los Hau nia rai doben ne’e”. Tu-tuir dalan Adriana sempre dehan “Mana Mariani, fatin ne’e jeitu los oohhh. Hasai tia foto foho ne’eba ne’e mana!”.

Tamba baruk ho dialogu formal sira iha palku leten ne’e, sira nian rua konvida malu ba tur iha kareta para fatin. To’o iha ne’eba sira rua tur hodi hateke ba sorin-sorin ne’ebe matak no sinti anin fresku nia hu’u. Hakfodak makas hanesan espresaun husi Mariani ho liman hatudu ba ai-laran iha sira nian oin dehan “hah! Ai-funan ne’eba ne’e maka horseik ita hare ne’e. aiiihhh bonita los!”. Lais deit sira nain rua hamrik husi sira nian tur no halai ba fatin ai-funan ne’e iha ba’a. Lian makas ituan Adriana dehan “mana Mariani, hasai nia foto ona!”. Mariani hatan “ne’e ekzatamente noi”. Kamera DSLR Nikon D3000 komesa hasai lian klik..klik..klik.. sinti ladun satisfeitu Mariani dehan ba Adriana “O kaer lai ai-funan kain ne’e, nian kain naruk ituan ne’e maka anin hu’u nia doko a’an los. Rezultadu foto nakdoko no la mos fali”. Rona ida ne’e Adriana ho espiritu a’as tebes no la hanoin barak lolo nian liman rua ba kaer ai-funan ne’e nia kain. Mariani nian kamera komesa lian klik..klik..klik.. maibe minutu ida liu, Adriana komesa sinti katar iha nia liman laran ho nune’e nia hateke tun ba ai-funan ne’e no nia hakilar “aaiiihhh..fidadaseti, ne’e maek! Mate ona hau nian liman katar los”. Adriana agora koi makas los ba liman laran rua ne’e no nia to’o ros liman rua ne’e ba iha fatuk, rai no du’ut. Hare ida ne’e Mariani sinti komik los no dehan “hahahahhaha…hahhahhaa.. sinti nian katar ne’e ba! Afinal ai-funan ne’e maek hahahaha..sorte hau la kaer. Ba fase tia o nian liman ne’e”. Ho oin buis ituan Adriana hatan “nonok tia! Tan Mana Mariani tia maka hau nian liman katar ne’e. Fase mos la diak ida. Aiihh..katar los ne’e. Hau mate ona.” 

 

Sei susar ba Mariani no Adriana atu haluha ai-horis maek. Sira nian amizade hakoris ona ho maek nian katar :)

Dili, Marsu 2016
Mariani VK.

A NOTE TO FLOWERS,

I wrote a poem about you as my first school assignment and I cried in front of you that thrives in my school backyard when I got hurt, wish you still remember these all.

 

Adult me:

 

Tired with politic practice, but not with you.

Not in my birthday, you gave me sweet smile.

My journey taught me you are not just flower. You are my hero and heroine.

Hero and heroine for fighting against all my frantic. 

Than, whispered me to pursue bright colorful journey.

Dili, 16 March 2016

 

Mariani VK.

My self in natural flowers garden in grandparents house to celebrate Valentine Day 20016. Bobonaro, Timor-Leste

A NOTE TO MY BEST FRIEND

You and I are a smile from heaven.
Long way we have been walked, for that far our hands hold for each other.
When you fallen, that was a moment I missed you a lot.
When I had my succeeded, that was happiest day of you.
Hope our friendship be rotten, because that is last stage of grow, last forever.

Dili, March 15 2016

Mariani VK. 

Me and my besti Lony. From our friendship I got inspiration to wrote this note

A NOTE TO GOVERNMENT of AUSTRALIA

Thank you! But, beware!

In the bright morning, I’m witnessed demonstration against occupation Timor Sea. Far or near, eyes of mine saw crowded people and ears listen to yelled “Timor-Leste!”, “Australia, stop stealing Timorese oil”, “Hand off Timor oil”, “Median line”. Standing thousand more Timorese patriots, unity in one song and one flag, proud to speak up and brave to show up. Timorese heart dancing with waving flood national flags of Timor-Leste in Government of Australia representative in Dili. Thank you Government of Australia for that, for make us one. It is special one!

But beware! Timorese spirit to fight for what is theirs, create flooding solidarity and indeed some Australian friends walk with us. 

Remember, that’s Timorese oil! So, beware to accusation as thief of oil to Government of Australia and Will Government of Australia comfortable with big liar democracy country stamp?

Here we show what is democracy with our movement to fight for our national interest, how is unity for justice and  when solidarity should take action. Beware for more to come from Timor-Leste!

Dili, 22-23 March 2016

From Timorese  Voice!

 Mariani VK.

Australia, Hands off Timor's Oil!

 

 

 

 

 

Timorese University Students with Their Banner

Young Patriot of Timorese

 

Me and good friend of mine, Rui Manuel in our action against occupation Timor Sea by Australia

 

 

 

 

 

 

 

 

 

 

 

Flooding National Flags of Timor-Leste in Front Australian Embassy in Dili