FUAN SUSAR NIAN LETRA

Fuan ne’e susar.

La iha ona fatin mai hau, iha hau nian fatin.

Buat hotu nakukun ona, la iha naroman husi le’et ne’ebe deit.

Midar ne’ebe hau hetan la iha folin ona.

Maske mehi ba fatin ho ahi naroman, maibe fuan fekit ksolok wainhira hanoin hau nian fatin.

Fulan naroman furak mai hau, maibe hau saudades naroman seluk ida.

Hakarak midar ne’e, maske iha bani-ben ne’ebe fo midar mai hau.

Hau mamuk agora. Hau namalele la bele semo. 

Hau hirus. Hau tristi. Hau tanis.

Laos domin maka hau hakarak! La hakarak mos ai-funan furak!

Projeitu Fotografia

Timor-Leste Nian Ai-funan

         25 Abril hanesan loron komemorasaun Revolusaun Ai-funan ou Revolusaun dos Cravos no mos komemora loron moris hau nian. Razaun sira ne’e maka halo hau hili loron ne’e atu publika hau nian projeitu fotografia konaba’a ai-funan Timor-Leste nian. Idea simples ida maka realiza ona ba projeitu fotografia, hau gosta ai-funan deste ki’ik no hakarak halo koleksaun ai-funan nian furak liu husi fotografia. Foto sira ne’e hasai komesa husi tinan 2012 to Marsu 2016 antes hau nia loron husik Timor mai Osaka, Japaun. Liu husi foto ai-funan Timor nian ne’e hau atu hatudu Timor-Leste nian furak. Projeit ne’e bele hatudu deit mai ita 246 ai-funan Timor-Leste nian, hau espera katak hau ou ema seluk bele hasai foto ai-funan Timor-Leste nian ne’ebe sei variante iha liur ne’eba. Projeitu ne’e lori ona hau ba ema nian jardim, parke, ai-laran, foho, estrada ninin no fatin balun iha Timor-Leste. Hau estuda barak ona liu husi projeitu ne’e no projeitu ne’e muda ona hau nian hanoin konaba’a mundu ne’e.

            Agradese tebes ba se’e deit maka suporta ona hau iha projeitu ne’e.

    

Osaka, Japaun. 25 Abril 2016

Mariani VK.